AMETS ARZALLUS

Bere bizitza:
Amets Arzallus, Jexux Arzallus bertsolari ezagunaren seme, eta Maddalen Arzallus bertsolariaren neba, Donibane Lohizunen jaio zen 1983an , baina txikitatik  Hendaian bizi da. Aitaren eta familiaren eraginez, txikitan hasi zen bertsotan.Hendaia eta Kanboko ikastoletan eta Baionako lizeoan aritu ondoren kazetaritza ikasi zuen EHUn. Gaur Egun Argia aldizkarian eta Euskadi Irratian kolaboratzen du, eta Hendaiako bertso eskolan ere aritzen da.

Txapelketak:
Bertsolaritzako lehenengo txapelketa Beasainen egin zuen, 1992ko Gipuzkoako Eskolarteko txapelketan.  Eskolarteko txapelketetan emaitza oso onak izan zituen.Ordutik aurrera goren-goreneko mailan dabil. 2000ko Nafarroako txapelketan txapeldun izan zen. 2005eko Euskal Herriko Bertsolari Txapelketa Nagusian finalera heldu zen; 2009ko Bertsolari Txapelketa Nagusian bigarren lekua irabazi zuen, Maialen Lujanbioren atzean; eta 2013an, azkenean, txapeldun izan zen. Iparraldeko Xilaba Bertsulari Xapelketa ere irabazia du, 2008, 2010 eta 2012. urteetan.

Bertsoak

• Igor elortza eta Amets Arzaulls-en bertso bat Igorren egindako ekitaldi batean.

I. Elortza: Hizkuntza bakar bat ei daukagu

baina euskalkiak hiru-lau;

nahiz berba batzuk ezagutuaz

joan urteak pasau arau

Durangon jaio nintzen ni eta

barriz Hendaiakoa hau;

erdia aittu egiten dautset

ta erdia imajinau.

A. Arzallus: Nere eskuara baztertu eta

ez naiz Igorrera jinen

baina halere deus erran gabe

ez dut hemen aldeginen;

orain dena da "Gara" ta "Gaude"

dena da finetan finen

baina baturik ez zenean ere

untsa konprenitzen ginen.

I. Elortza: Antza ederto ibilten ginen

gu baturik ez zanean;

gitxienean hori aittu dot

zure lapur esanean;

arrazoi dozu lehen be igualtsu

ibilten ginen lanean

baina oin hobeto esplikatzen naz

zure herrira noanean.

A. Arzallus: Ene herrira joaiten zira

ta ez duzu deus oker joko;

euskaldun zaharrak ezautzen ditu

mila bazter eta xoko.

Guk gureari euts dezaiogun

ta gerokoak geroko!

Aro onarekin ikusten dira

Irati eta Anboto.

Gaia
Bertso honen gaia euskalkiak dira. Bai Arzallus bai Elortza euskalkien alde kokatzen dira. Izan ere, beraiek euskalki desberdinak erabiltzen dituzte, bata Durangokoa dela eta bestea Hendaiakoa. Nahiz eta euskara batuarekin hobeto ulertu, bertsoaren bidez euskalkiak erabiltzera animatzen dute, etorkizunean gertatzea gertatu behar dena, baina orain euskalkiak mantentzea.

• Amets Arzallusek kantatu zuen bertsoa Barakaldon egin zen 2013ko txapelketan.

Zerutik begira daude

Joxe eta Manuel Mari

ziega zulotik entzuten

beste euskaldun ugari

musu bat Iparraldeko

bertso eskolako haurrari

lagundu nauten guziak

Olatz eta arreba bi.

Baina ni ez bainaiz hemen

neu sortu hutsean ari

aitarena den txapela hau

eskeintzen diot amari

haurra nintzela euskaraz

erakutsi zidanari. 

Gaia
Txapelketa hau irabazi zuenez, bere agurra da, beraz lagundu dienei dedikatzen die. Esaten duen moduan bere familiari dedikatzen die ,bere aitari bertsolaria izan zela ere,  kartzelan dauden euskaldunei, Iparraldeko bertso eskolako haur bati eta gehien bat bere amari, euskara erakutsi ziona.